ウチナーグチし、ゆんたくさびら！

わったーぬ、うぬ、蘭よー、まーだ、咲ちゅーっさー。

ちびらーさよー！  

なま、パリんかい、うん。

ちゅう、ニューアークんかい、けーいるばーるやしが、フライトや、３０分、ディレイ（遅延）んでぃがら。

にーぶいしっちゃん。。。

なま、にんじーねー、うきーはんがら分からんくとぅ、にんてーならん。

あぎじゃびよ〜な〜、な〜、な〜。。。



  

は〜んま、うぬ、蘭よー、２ぐぁちぬ、上旬から咲ち、なまん、咲ちゅーん！

葉っぱや、まっきぃーろーなてぃ、腐りとぅーんねーするーやるむんぬ、花ー、まーだ、生き生きとぅし、ちゅらはっさー。

なーひん、蘭こーてぃくーわるないっさー。

なかまらー、蘭ぬ、コレクションはじみりわるないっさー。





  

きぬー、オスロから、けーてぃっちゃん。

くんくぁいぬ、乗務員長や、タバク吸やー。

きぬーぬ、乗務員長とぅ、わんぬ、会話。


わん：ニュージャージー州うてぃ、普通に、たばく、１カートン、こーいねー、いちゃっ
　　　さが？

あり：８３ドルがらやたはじ

わん：はぁ〜？　１カートンかいや、何箱いっちゅーが？

あり：１０箱

わん：は〜んもい〜え〜な〜。あんすーてぃん、まーだ、吸いぶはんなー？　

　　　（うれー、いひぐぁー、ふりとぅーるはじやっさー。。。）んでぃち、くくるん中
　　　　うてぃ、うみーがちーなー、ちちゃん。

あり：いー。ぬーが、わんねー、ちゃー、デューティーフリー（免税）うてぃ、こーいく
　　　とぅ、やしく、ちちゅせー。さけー、あんすか、ぬまんくとぅ、しむるばーあら
　　　に？

わん：へ〜い、やんなー。　わんねー、たばこー、吸ーらんしが、ワインやぬむくとぅ、
　　　ちゅんくとーあびららんしがてー。やしがやー、たばこー、どぅーんかい、
　　　わっさんどー。




空港んかい、ちっち、くんどぅぬ、レイオーバー用（オスロ３泊）んかいんでぃち、ワインバーうてぃ、ワイン、たーち、こーたん。

税金とぅ、チップ、全部あーち、４９ドル。

ふりとぅーせー、わんるやるはじ。








  

ちゅうや、ワシントンDC。

ちゅうぬ、ホテル出発や、ゆるぬ７時半やくとぅ、ひてぃみてぃむん、へーくなー、かだーんかい、ホワイトハウスんにーんかい、いちーがちーなー、桜見物しちゅーんでぃちやたるむんぬ、あみが、降いがたーやくとぅ、やみたん。

くとぅしや、ぬくはたくとぅ、桜ん、へーくなーさち、４ぐぁちんかい、いーねー、なー、花〜うわとぅーるはじやっさー。




  

は〜んもい〜え〜。。。！

ゆなかの３時。

ひさ、たたくま、くんだぬ、しちゃが、ひきつけうくち、みーさみたん。

あが〜。。。

マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、マッサージ、  

ちゅーん、また、アムステルダム。

きぬーや、ホテルぬ近くぬ、スーパーマーケットんかい、いんじゃるばーるやしが、まやーはっとぅーたるばーがら、だぁー、こーぃむんしうわてぃから、冒険心がいんじてぃ、いんじゃる道とぅーらんぐとぅー、裏から、いんじてぃ、とぅーまーいし、みぐてぃんじゃん。




わったーホテルんにーんかいや、うぬ、すーじみちぐぁー、かーま、あまわーき、いんじ、ひじゃいんかい、まがてぃ、あんしから、また、ひじゃいんかい、いんじ、かーんにーわーき、いけーから、うぬ、かーんかい、すてぃ、又ひじゃいんかい、いけーしむるすはいんでぃ、うみとぅーたるむんぬ、うまぬ、みちぇー、まっとーばーやあらんくとぅ、わんが、うみとぅーるぐとーあらんたん。

ぬんがら、うれー、まゆいがら分からんさーんでぃ、うみとぅーたるむんぬ、ゆんねーすんねー、だぁー、道んかい、まゆてぃねーらん。

やしが、じかぬん、まーだ、午後ぬ２時やたくとぅ、いひぐぁー、まゆてぃん、ぬーあらんはいやーんでぃち、ちゃーあっちー。

あんされー、いちぬ間ーにか、きさー、あっちゅーたるとぅくまんかい、むどぅとぅーんでーやー。

はーなー、っしにふらー。

かんげーてぃんでーからー、うんぐとぅる、冒険や、食材ぬ、こーいむん、するめーに、せーしむるむんぬ、むっちゅーる、ふくるん中んかいや、ワイン２本とぅ、サラダ、イチゴ、くぁーしんでぃち、いっちゅーたくとぅ、うりん、しんでー、うんぶくなてぃいっち、でーじやたん。

わんちゅぶるん中んかいや、かーとぅ、ハイネケンぬ看板が目印んかいなてぃ、うり、みじゃちいけーからー、ホテルんかい、ちちゅるさんみんやたしが、はーっしぇ、うまー、あまんくまん、むる、かーとぅ、ハイネケンぬ看板だらけらるむんなーやー。（笑）










とーなー、あんしぇー、うぬまんまーいけーから、なーひん、まゆいくとぅんでぃやーに、逆むどぅいし、ホテルんかい、けーてぃっちゃん。

運良く、逆むどぅいし、くぬ、スーパーマーケットわーきぬ、むどぅいかた、うびーとぅーたくとぅ、ラッキーやたっさーんでぃ、うみーん。





やっとぅ、スーパーマーケットわーき、ちっち、うぬあとぅやなー、いちむぬように、すーじみちぐぁー、とぅーやーに、橋わたてぃ、かーんかい、すてぃ、あっち、ホテルんかい、むどぅたん。

はーんもいーえーなー。。。

くたんでぃてぃねーらん。

やしが、いっぺー、いい、勉強んかい、なたっさー。

またん、いちか、冒険ぐぁー、しんでぃわるやる。

つげー、こーいむんするめーにやー。笑


  

ちゅうや、３月１４日　大安、　ホワイトデー。

うまうてー、ホワイトデーんどぅせーねーんしが、職場ぬ、日本人ぬ同僚からバレンタインぬチョコレートいたる、うっちゅんかいや、お返し、けーするちむいやん。



ちゅうや、ニューアークんかい、コミュートする日ー。

ひてぃみてぃぬ、ニュースから、日本うてぃ、マグニチュード６、５ぬ、地震があたんでぃ、あびとぅーくとぅ、ネットし調びてぃんちゃん。

北海道とぅ、東北地方うてぃ、マグニチュード６、８ぬ地震があたるふうじ。



きぬーんゆる、しらぎー、すみたしが、うむたるふどぅ、すまとぅーかんさー。（失敗）

前回ん失敗やたん。

つげー、先輩んかい、たぬみわるやる。




  

わんぬどぅしぐぁーから、Eメールがいっちゃん。

うりぬ、婚約者が、パーティーから、６時にけーいんでぃ、あびとぅーたるむんぬ、うん時間なてぃんけーらん。

何回ん、電話すーしが、電話んかい、いんじらんくとぅ、いっぺー、しわすーたるふーじ。

あんし、うぬ、婚約者や、やっとぅ、９時過ぎにけーてぃっちゃんでぃがら。

パーティーがうむっさぬ、時間忘しりーせー分かいしが、電話や、はんねー、ならんどーやー。

話ー、ゆーちちーねー、うぬ、電話や、ふるーなてぃ、ちかーらんなとぅーたんでぃがら。

あんやいねー、やんでぃち、ふかんちゅから、借れーしむるむん！でぃち、わんぬ、どぅしや、うれー、ぬがーらはんふーじ。

うん、婚約者や、ワインぬ、コレクターやくとぅ、うりぬ、でーだかー、ワイン、うちゅぬむくとぅやー！んでぃち、あびたんでぃがら。（くぁっきてぃ、ぬどぅーるはじやしが。笑）

あんし、きぬーや、わじわじーしがちーなー、どぅーし、ちゅくたる、クラブケーキ、かだんでぃがら。

「まーはたっさー」

んでぃ。（爆）


  

めーん、あびたるはじやしが、ナシュビル内、近郊んかいや、うまんかい日産自動車ぬ米本社があくとぅ、日本人がまんどぅーん。

あんすくとぅ、日本食ぬ食材や、アジアンマーケットんかい、いけーから、ふとぅんどぅ、こーらりーん。













や、うちきてーうかんくとぅ、土産んかい、こーてぃっちゃん。

めーわーけー、筒ぬ形しかねーんたくとぅ、ちちわてぃ、スーツケースん中んかい、いっとぅーたしが、ちかぐるや、麩（ふ）ー、圧縮さーにかい、うんとぅーし、売とぅーくとぅ、いっぺー、たしかいん。

海草類ん、くんぶとぅか、わかめ、ひじきーそーなーやあてぃん、あーさや、てぃめーかんてぃすん。

あんしから、なーてぃーち、くんくぁい、いっぺー、ふっさたしが、うり↓。（笑）　いっぺー重宝そーいびーん。





  

東大震災うてぃ、けーまーちゃる、う方ぬちゃーぬ、ご冥福、いぬてぃ、うーとーとぅー。

黙祷。。。







  

一ヶ月めーに、わったーやーんかい、３／９〜３／１５に、あしびーがちゅーんどーんでぃち、ディーンぬ、みーっくぁから、連絡があたしが、ありから、ぬーん、連絡がねーらん。

わんねー、やしみとぅってぃ、まっちゅーしが、ちゃーなとぅーがすら。

ディーンから、連絡しん、携帯電話んかい、いんじらんくとぅ、ちゃーなとぅーがら、分からん。

みーとぅんだびっけーらがやーんでぃ、うみたれー、うったーわらびとぅ、うぬ、わらびぬ、どぅしぐぁーん、まじゅい、そーてぃ、ちゅーるふーじやくとぅ、布団そーなー、用意はんねーならんさー。

だぁー、あんすらー、へーくなー、あったーが、とぅまいる、じゃーん、しじみてぃ、掃除しわるやる。

とーあんしぇー、また、あとぅからやー。




  

２ぐぁち、１６日振りに、やーんかい、けーてぃっちゃん。

リビングルームんかいや、まーだ、蘭ぬ、花が咲ちゅーたん。

うぬ、蘭や、２ぐぁちぬ、上旬から、咲ちゅーる花。

みった、長持ちする花やっさー。

やーん中んかい、花があいねー、いっぺー、癒さりーん。



  

きぬうや、ぬみ過ぎたん。。。（ー＿ー；）汗汗汗（ー＿ー：）




  

うちなーや、桜祭れー、きっさ、うわとぅーるむんぬ、わったー、ポインセチアや、なま上等ぐぁーに咲ちゅーん。

タイミングや、ぎゃこーあらに？　（笑）

  

ちゅうぬ、コミュート便から、いんちゃる朝日。

ナシュビルや、てぃんちが、わっさたくとぅ、雲や、あちぬ、２段なとぅーたん。

雲と雲ぬ、えーだから、てぃーだが、まっかっかーし、ひかてぃ、いっぺー上等やたん。

ちゅうん、ゆるから、しぐとぅやくとぅ、昼寝はんねーならんしが、にーぶいはんさー。

ちゅうや、どぅしんちゃー、たい、まじゅい、しぐとぅすくとぅ、いっぺー、楽しみやん。

うりがまた、６日間ぬ、トリップやくとぅ、ちゃあないがら！（笑）


  

うぬ、シャツとぅ、帽子や、くず（じゅ）ぬ１１ぐぁちあたいから、ふかんかい、いんじーるとぅきに、ちちゅーる、ちん。

うりちち、オレオとぅまじゅい、ふかんかい、いんじてぃ、散歩ぐぁーすくとぅ、なまー、オレオや、わんが、うんちん、てぃーんかい、むちーねー、しぐー、立ちあがてぃ、玄関ぬにーんかい、ちゅーん。

ひるまはぬならんさー（みじらしむんやっさー）。

オレオや、りきやーやがら分からん。（笑）

  

にんだらん！

ひつじ、いちゃっさ、かずいてぃん、にんだらん！


羊が、１０００１匹。

羊が、１０００２匹。

羊が、１０００３匹


えーーーーーっ、

なー、しむん！

  

ちゅうぬ、ニューアークや、雪。

んでぃーしが、まーだ、ゆけー、ふとぅーかん。

なまや、あみ。

気温や、１℃。

かじぇー、ちゅーはんねーすくとぅ、ふかー、いっぺー、ひーさるはじ。

ちゅうぬ、ホテルぬ、チェックアウトや、２時。

みずかちゃんや、ちゅうや、へーくなー、やーから、いんじーんでぃ、いちょーたくとぅ、空港んかいや、へーくなー、ちゅうがらわからんさー。

久し振りに、たいん、まじゅい、とぅぶくとぅ、いっぺー、楽しみやん。

ディーンや、なま、やーん、掃除すーんでぃがら。（笑）

あんしから、映画んかい、いちゅんでぃ。

あれー、ありし、どぅーん、人生、謳歌すーくとぅ、しわーねーんねーすん。

とーあんしぇー、だー、なまから、しこーてぃ、わじゃんかい、いかひー。


  

カモーン、ビューティフル！

んでぃ、ちちーねー、たーやてぃん、とぅんけーぃんどーやー。（笑）


ちゅうぬ、出来事やいびーたん。