ペーパーホワイト　白水仙

くずぬ、クリスマスに、どぅしが、や〜ぐなんまじゅい、ナシュビルんかい、あしび〜がいっちゃん。

車し、いっちゃくとぅ、プレゼントや、いひぐゎ〜、かさばいしが、植物、くぃ〜るくとんかいさん。

植物んでぃちん、はくんかい、いっちゅ〜る、赤〜、アマリリスとぅ、しる〜、ペーパーホワイト（白水仙）。

アマリリスや、１ぐゎちぬ、うわいぐるに、さちうわてぃ、なま〜、くぬ、ペーパーホワイトが、上等ぐゎ〜に、咲ちゅ〜ん。

んでぃ、写真が、うくらってぃっちゃん。

いっぺ〜、ちむふじゅん。



因みに、くぬ、ペーパーホワイトぬ、花くとぅばや、ぬ〜がや〜んでぃ、しらびたれ〜、「希望」「尊重」「神秘」んでぃ〜るくとぅが、分かたん。

あい、上等！

と〜あんしぇ〜、なま、わったぁ〜や〜んかい、咲ちゅ〜る、ラッパスイセンや、ちゃ〜がや〜？　んでぃ、うりん、ついでに、しらびたん。

あんされ〜、「注視」「報われぬ恋」「尊敬」んでぃ、書ちぇ〜たん。

はぁ〜？

ぬ〜がうぬ、「報われぬ恋」どぅせ〜？

わんね〜、め〜にち、うぬ、「報われぬ恋」いんち、ため息、ちちゅ〜たるば〜らるい？

は〜な〜（笑）

と〜、だぁ〜、あんしぇ〜、「愛されている」んでぃ〜る花くとぅばぬ、花や、ね〜んが〜？

んでぃち、しらびたん。

あたん！

ツツジ！

アゼレア（英名）！

あんど〜！

わったぁ〜な〜んかいん。

花くとぅばや、「愛に満たされる」やん。

やったぁ〜！

あんし、バラぬ花ん、「愛」ぬ花。

うりし、わったぁ〜な〜ん、バランスとぅらってぃ、良かった。



あげっ、だぁ〜、話が脱線しね〜らん。

とにかく、くぬ、ペーパーホワイト、わった〜ん、くとぅしぬ、クリスマスに、こ〜りわるやっさ〜。