球根うぃ〜

くとぅしぬ春や、ラッパスイセンとぅ、チューリップ、アジアティックリリーが、て〜まいさち、いっぺ〜上等やたくとぅ、来年や、な〜ひん、咲かすんでぃち、うってぃ〜から、球根うぃ〜てぃあっちゅ〜ん。

まじぇ〜うまから↓　うまんかいやアジアティックリリーとぅ、ラッパスイセンうぃ〜たん。




ディーンが、トレンチャーティラーんどぅる機械し、平地たげ〜ちとぅらちゃくとぅ、いっぺ〜たしかたん。









理想や来年ぬ春に、うんとぅないし。↓







あんし、きぬ〜や、や〜んめ〜ぬ、ま〜る〜花園ぐゎ〜から、アマリリスとぅ、ダイアンサス、ふかんとぅくまんかい、いんじゅかち、くまんかいん、アジアティックリリーとぅ、ラッパスイセンうぃ〜たん。↓




くまぬ、アジアティックリリーや、うぃ〜んむんと〜、ちがてぃ、理想や、赤〜タイヤ〜んかいいっちゅ〜る、色が、濃いアジアティックリリーふ〜じ〜やれ〜や〜んでぃうみ〜ん。↓





ちゅう〜わ〜け〜、ぬくはんね〜すくとぅ、シカゴ行きぬコミュートや、一日ぬばち、あちゃ、行ちゅるくとぅんかいさん。

ひてぃみてぃむん、て〜まい、かでぃ、ぐて〜いんじゃち、ちばりわるんでぃち、やたるむんぬ、どぅくん、かみ〜すぎてぃ、どぅ〜がうんぶはぬ、いんじゅち〜ぐりはぬならん。

は〜っしぇ、しにふりむん。

と〜、だぁ〜、あんしぇ〜、いひな〜いひな〜、いんじゅちんだひ〜。

ちゅ〜ん、いい、一日んかい、ないるように、う〜と〜とぅ〜


あ、うれ〜、くとぅし、咲ちゃるチューリップ。↓