はちしぐとぅ

ちゅうや、２０１１年ぬ、はちしぐとぅやいびーん。

くず（じゅ）ぬ、年末から、ちゃーかみーやくとぅ、制服が、いいがら、しわやいびーたしが、いらんどぅくるか、いひぐぁー、やしてぃ、ごろごろ〜らんでー。

ごろごろ〜や、大袈裟やいびーしが、うんし、フィットしーねー、うむっさくないん。（笑）

くぬまーまー、１０キロびっけー、うちーねー、最高やしがや。。。（じょ〜い！）





ちゅうぬ、フライトぬ、チェックインや、ゆるぬ、５時半どぅやいびーしが、当日コミュートんでぃやーにかい、ナシュビルからニューアークんかい、通勤しっちゃくとぅ、３時うきーやいびーたん。

うんし、へーくなー、うきらんてぃん、しむたしが、しらぎーん、すみらんねーならん、靴ん、みがかんねーならん、あんし、けーわしとぅーたしが、制服ぬ、ボタぬん、のーらんねーらなんたくとぅ、早起きし、正解やいびーたん。

「はーなー、うんとぅーや、めーんひーわーきに、せーしむるむんぬ！」んでぃ、ディーンかい、ちゃーあびらりー。

わかてーうしが、だぁー、ちゃーうんとぅーるないでー。

くとぅしや、うんとぅーから、のーちいかんねーならんさーやーたい。




ちゅうや、チューリッヒやいびーん。

エコノミークラスぬ、バックギャレーポジションやいびーくとぅ、スクワッド（ひさぬ運動）んてーまいし、いい運動ないるはじ。

クルーが、むる、はたらちゃーやるぐとぅ、うーとーとぅさびら！




チェックインわーき、いひぐぁーや、昼寝しーぶはしが、ないがやー。。。？




ひつじが一匹、

羊が２匹、

羊が３匹、

4匹、

５匹、


zzZZZZZZ