パリ

ちゅうん、パリやしが、なまからニューアークんかい、けーぃん。
きぬーや、スーパー以外や、まーんかいん、いんじらんたしが、１８日に、ミズカちゃんとぅ、まじゅい、オペラ通り、シャンゼリーゼ通りエッフェル塔んにーわーき、いんじっちゃくとぅ、うんとぅきぬ、写真、せっかくやくとぅ、うまんかい、ぬしらひー。

まじぇー、オペラハウスんにーから。









うまかーらへんや、日本人が、まんでぃ、日本食レストランとぅか、食材店、本屋ーがあん。めーから気にいっちゅーたるラーメン屋ーんかい、いんじゃしが、経営者が変わたるばーがら、ぜんぜんまーこーねーんたん。味噌ラーメンたぬだしが、味噌がいっちゅーかんたん。汁やまっかっかーし、はーなー、にーりーしが！　やしが、うぬあとぅ、本屋ーんかい、いんじ、ふっさたる本、まとぅみてぃ、こーたくとぅ、
ちむん、ふじゃん。