ガソリンむい

一週間めーに、修理さる、わったぁーバン。

うりから、ガソリンがむてぃ、またん、修理屋ーんかい、むっちいんじゃん。

「やったぁーんかい、のーしみてぃから、ガソリンがむとぅーしが、ちゃーなとぅーが？」んでぃち、なー一回あじきてぃっちゃん。

あんし、うまから連絡がいっち、「ガソリンむいぬ、原因や、わぇんちゅが、ワイヤー（んでぃがら、チューブんでぃがら）、くーてぃらんどー」んでぃ。

はぁやぁ〜？　

あんいぃねー、くぬめー、車ぬドア開きたるとぅに、小指んうっさんはんあたいぬ、ぐなーわぇんちゅぐぁーが、いちちがら、むーち、ポロポローし、うちてぃちゅーたっさー。

あんとぅけー、まぶやー、うとぅするあたい、いっぺー、しかだん。

ありから、なー、いんだんたくとぅ、むる、いんじたんでぃ、うみとぅーたるむんぬ、まーだ、ボンネットんしちゃんかい、くゎっきとぅーてーるばーやさやー。

はぁなぁー、あんすらー、なまからー、まーんかい、車とぅみれーしむがやー。。。

なまわーけー、ドライブウェイぬ、はらがーぬ、木ーとぅ木ーぬ、ゑーだんかい、とぅみとぅーたしが、なー、うまんかいや、とぅみららんさー。




とぅないぬ、やしちや、雑木林なてぃ、草ぼーぼーすーくとぅ、うまんかいや、野生動物が、おほーくー、住どぅーるはじ。

うぬ、わぇんちゅん、うまからる、いっちゅーるはじやっさー。

なまから、くぬ、ワイヤーんでぃがら、チューブ、ちきーのーすしが、車の型が古はくとぅ、パーツがねーんでぃがら。

あんすくとぅ、のーするわーき時間かかいんどぅるくとぅ。

時間かかいせーしむしが、修理代やいちゃっさがやー？

んでぃちちゃれー、めーぬ、修理代ゆーかー、いひぐぁー、やっさるあたいんでぃがら。

なぁー、あんすらー、ついでに、ブレーキライトん、のーしみれー！

んでぃち、投げやりなとぅーん。

やしが、え〜、あぎじゃびよーなー。

わったぁーや、くぬ、修理屋ーぬ、せいんかいし、あんとぅーし、あびたるむんぬ、恥じかさよー。

修理屋ーぬ、にーさん、わっさいびーたんやー。

m(_ _)m