遮光カーテン

るくぐゎち１３日ひてぃみてぃぬ、９時めーに、シュトゥットガルト（ドイツ）ぬホテルんかい、ちっちゃん。

はじみてぃぬ、とぅくまやくとぅ、昼間や、ふかんかい、いんじてぃ、写真そーなー、とぅってぃくーわるやるんでぃち、うみとぅーたしが、にーぶいし、１１じぐるに、けーにんたん。

あんし、1時半びっけーに、みーさみてぃ、カーテンぬにーいんちゃれー、どぅーが、まーんかい、うがら分からんたん。

くまー、まーが？

どぅーんやーや、あらん。

わんねー、まーんかい、いっちゅーが？

ふーじー。

カーテンぬ、うぃーんにーとぅ、横から、光がいっちちゅーしが、全体的にひかいや、遮断はっとぅーくとぅ、たしかいん。

わったーやーんかいん、うんとぅー、カーテン、かきりわるやっさー。

んでぃち、めーめーからあびとぅーしが、まーだいってかんさー。

いちいんじゅがらやー。。。

シュトゥットガルトぬ、話ーや、http://yugurihaikarah.ti-da.net　やいびーん。