遮光カーテン(その2)

ゆぐりはいから〜

2013年09月01日 19:09





くぬめー、どぅしぐゎーから、わったーやーぬ、近くんかい、新オープンさる、ダーラージェネラル(百均ふーじー。ふとぅんどぅぬ商品や100円やしが、値札がちっちゅーせー、てーげー、101円〜2,000円以内ぬ、値段)うてぃ、遮光カーテン売とぅーんどぅる情報いたん。

あんすくとぅ、うぬ、まちやーんかい、いんじっちゃん。

ダーラーストアーうてぃ、売とぅーる、遮光カーテンでぃーねー、あんすか、いいむのーあらんはじやっさー。。。

んでぃ、全然期待や、すーかんたしが、いんちんちゃれー、っしに上等やせーやー。

丁度、わったぁーじゃーぬ、まどぅんかい、かきーる分、ゆーち、ぬくとぅーたくとぅ、全部こーたん。

うりぬ、うかぎがら分からんしが、くんくゎいや、時差ぼけんねーらん、ゆーにんだりーっさー。

なまわーけー、ゆるやてぃん、ふかぬ、あかりが、まどぅから、いっちっちゅーたしが、なまー、まっくらしんやん。

昼間やてぃん、完全に、遮光はってぃ、うんぐとぅー(↓)





半面、半面なー、ゆーちし、60ドル、ちかたしが、うれー、いい、こーいむんやてーっさー。












関連記事