ウチナーグチし、ゆんたくさびら！

はじみてぃ　うんなきゃびーん
いなぐぬうやが　うらんなていから
ゆねん・・・・ないびーん
めーなち　ほうげんし　はなちょうたしが
なま　はなしないるちゅん　ちかさには
ういびやん

なぁ　ゆにぃん・・・
ほうげんが　なちかさぬよ～
くうてぃん　ぬばやぎたん・・
うみうししうたびみそーれぇ

くぁとぅん　やまとくとば・・・
ほうげんしぇ　すぐ　くとぅばぬ　いじーしが
うむいぬぐゅと　つうじらん・・

かーま　あめりか　いじちみそーびさや
ちゃやいみせーたが・・

優里さん、

「うんなきゃびーん」んどぅる、くとぅばや、ちかたるくと〜ね〜んしが、あんゐ〜ね〜、沖縄ラジオぬ、方言ニュースうてぃ、ゆ〜ちかとぅ〜んや〜たい。はじみてぃ、うんなきゃび〜ん。

うちな〜うて〜、うやちょ〜で〜とぅしか、しまくとぅばや、ちか〜らんくとぅ、やっけ〜やいび〜んや〜。特にわぃなぐんぐゎが、うちな〜口し、むん、ゐ〜ね〜、「下品」とぅか、ぬ〜んでぃがらんでぃち、あびらり〜んね〜し、恥じかはぬならんむんや〜たい。

わんにん、おかぁと〜、ちゃあ、まかびむに〜（糸満市ぬ真壁）やいび〜ん。優里さんや、おかぁ〜が、け〜ま〜はってぃ、寂っさんや〜たい。

うぬブログや、やまとぅぐちんかい、の〜するくとぅんね〜らん、まかびむに〜びっけ〜らしが、いめ〜、通じとぅ〜んね〜すくとぅ、うまうてぃ、うたがいに、ゆんたくないね〜上等やいび〜んや〜たい。

わんね〜、アミリカんかい、いっち、な〜３０年。うちな〜ぐちし、話〜ないるうっちゅが、うらんくとぅ、うぬ、ブログ、はじみたん。ふとぅんどぅ、どぅちゅいむに〜るやいび〜くとぅ、優里さんからぬ、コメントや、いっぺ〜ちむふじゅ〜ん（とても嬉しい）。

とぅくるどぅくる、ぃほ〜な、しまくとぅばん、いんじてぃちゅ〜るはじやしが、ゆるちとぅらしみそ〜りよ〜。

うまんかい、長で〜うくとぅ、うちな〜ぐちん、忘し〜がた〜やん。

コメント、いっぺ〜、に〜へ〜で〜びる！
m(_ _)m

またん、じひ、め〜んそ〜りよ〜！

ちゅううがないびや
おちなぁやあかちちなーら
しーみがなちょうー　みんちゃさんでー

はまんじ（海岸）
いじたたしが・・
くむがまんでーてぃ
あかちちてぃら　うがまらん・
くーてん　くむぬなーかから・・
てーらが　みーるうっぴ・・
ちゅーん　がんじゅーし　はまいみそーて・・
わんねぇ　やがてぃ　ぱーとぐぁ　いじくーぃい・・

優里さん、

くぬめ〜、優里さんぬブログ、拝読さびたんど〜。

紅型すみとぅーるだきあてぃ(芸術家)、写真ぬ、とぅいかたがちびら〜さぬ、いっぺ〜、ちゅらはたん。

何回ん、何回ん、同じ写真いんちぇ〜し〜し〜し、わんぬ「足跡」がて〜まい、ちっちゃるはじ。笑

やしが、うれ〜、じょうだの〜、あいびらん。

うんじょ〜ぬ、写真や、プロ並みんでぃうみ〜ん。

あんしから又、文章ん、本ゆどぅ〜んね〜し、てぃー〜ちな〜、てぃ〜ちな〜、情景が浮かでぃっち、いっぺ〜ぅむっさたん。

あとぅ、優里さんぬ、おかぁに対する、うむいん、いっぺ〜、ちたわてぃっちゃん。

ちゅ〜ぬ、てぃらとぅ、雲や、いちゃんとぅし、しゃしぬんかい、とぅらっとぅがら、いんじゅしが、楽しみやん。

わんが住どぅ〜る、ナシュビルや、な〜、じ〜じ〜(まかびむに〜ではセミのことをジージーと言います) ぬ、くぃ〜や、ちからんなたしが、ま〜だあちはん。

と〜あんしぇ〜、優里さん、パート、いんじくみそ〜れ〜。

又や〜たい！