ウチナーグチし、ゆんたくさびら！

とうとう、ミソサザイ（鷦鷯＝Wren）ぬ、わらびんちゃあや、巣〜から、いんじてぃね〜らん。

ぬんがら、さびっさぬ、ならんさ〜。

子離れならん、うやぬ、気持ちが、いひぐゎ〜、分かたる気〜がすん。

め〜にち、わらびんちゃあぬ、ちら、いんじゅしが、たぬしみやたる、あぬくる、うみ〜いんじゃすん。

ひてぃみて〜、活発やたしが、昼間〜、ちゃあ、にんじ〜す〜たっさ〜。

死じゅぅるば〜やあらんがらんでぃち、しわさるとぅきんあたん。

やしが、うぬ、エンプティーネストいんじ〜ね〜、むる、無事に、巣立ちゃるふ〜じ〜。

まさか、ふかぬ、動物んかい、くゎ〜ったるば〜や、あらんど〜や〜（あいえ〜な〜）？

あんし、半月め〜や、あんし、ぐなはたるむんぬや〜。。。

だぁ、あんすら〜、ミソサザイぬ、っくゎんちゃ〜や、いちぐる、巣立つがら、グーグルし、しらびてぃんだ。

んでぃち、調びてぃんちゃん。

結果や、く〜がから、け〜てぃ、１２日〜１８日ぐるに、巣立つんどぅるくとぅが分かたん。

はぁ〜、上等。

うん、様子、いんだらんたしぇ〜、ちむ、ふがん。

やしが、うまんかい、又、卵、産でぃ、とぅらすがや〜？

巣〜や、うんまま〜んかい、す〜かひ〜。