2020年04月01日
アミリカぬコロナウイルス パンデミック

ニュース番組うてぃ、め〜にち、アミリカぬ、感染者数とぅ、死亡者数、いんじゃちとぅらするば〜るやしが、うり、ちちゅ〜るびっけ〜せ〜、ぴんとぅく〜んくとぅ、表ぐゎ〜、つくてぃんちゃん。
うとぅるさよ〜!

わったぁ〜ん、なま〜、ないるかじり〜、や〜から、いんじらんぐとぅ、どぅしんちゃ〜とぅん、あ〜らんぐとぅ〜、や〜んかい、くまてぃ、生活す〜ん。
くんぐゎちぬ、半ばぐらいが、ピークんかい、ないぎは〜んでぃ、トランプ大統領とぅ、チームんっちゅんちゃ〜が、あびとぅ〜たん。
あんやれ、しむしが。
わんね〜、わじゃや、2か月、やしみ、いとぅ〜ん。
ディーンや、営業やしが、ちゃくんに〜んかいん、いからんくとぅ、や〜うてぃ、1日中、コンピューターとぅ、電話しわじゃす〜ん。
会社ん、社員ぬ給料さぎらんね〜、ちぢきてぃいからんふ〜じ〜なてぃ、3か月びっけ〜、降給すんね〜すん。
仕方んね〜んさ。
わじゃが、あるだき、ま〜だましんでぃ、うみ〜ん。
いちちゅ〜るだきし、ラッキーやは!