ウチナーグチし、ゆんたくさびら！

きぬ〜ぬ、夕飯や、麩〜ちゃんぷる〜んかいさん。

ディーンん、麩〜や、ましやくとぅ、ゆ〜かむん。

日本ぬ食材や、近くぬ、インターナショナルマーケットんでぃ〜るとぅくまうてぃ、こ〜らり〜しが、うりびっけ〜や、うちきて〜ぅかんくとぅ、うちな〜んかい、け〜ぃるとぅきに、ちゃあ、どぅた〜な〜んかい、お土産し、こ〜てぃちゅ〜ん。

ぃんかしや、麩〜や、筒状るやたくとぅ、お土産んどぅせ〜、かんげ〜ららんたしが、なま〜、うんとぅ〜し、圧縮はっとぅ〜くとぅ、いっぺ〜、たしかいん。




「ちゅうぬ夕飯やぬ〜が？」

んでぃ、ディーンかい、ちかったくとぅ、「麩〜ちゃんぷる〜ど〜」んでぃあびて〜たん。

あんし、つくいうわてぃ、うね！

んでぃ、見したれ〜、





「おーーーーーっ、フータイム！」

んでぃ。

わら〜っすっさ〜な〜。