ウチナーグチし、ゆんたくさびら！

くんみ〜ちや、うやっくゎ。

うやや、まん中ぬ、一番まが〜。

２０１６年ぬ、９ぐゎちに、こ〜たんね〜すん。

うん花や、葉っぱんかい、みじ、かき〜ね〜、斑点がいんじ〜くとぅ、みじ、くぃ〜るとぅきや、気〜ちきとぅ〜るば〜るやしが、１ヶ月め〜から、ぬくくなたくとぅんでぃち、フロントポーチんかい、うちきて〜たれ〜、あみふいに、あみぬしぶきがかかてぃ、葉っぱんかい、あたてぃ、斑点がいんじてぃっちゃん。

あんすくとぅ、またん、や〜中んかい、移ちゃん。

にじりんはら〜んの〜、真ん中ぬうやが、ま〜だ、ぐなはたるとぅきに、横んかい、いんじてぃいっちゃし。

しに〜がた〜ま〜とぅ〜たしが、ふかぬ鉢んかい、わぃ〜け〜たれ〜、元気なてぃ、うんし、まが〜なとぅ〜ん。

ひじゃいんはら〜んの〜、うやぬ、葉っぱちっち、挿し芽さし。

ゆ〜ちからはじみたしが、た〜ちびっけ〜ぬくとぅ〜ん。

うりから、わらびんちゃ〜が、うまりてぃっちゃん。