ウチナーグチし、ゆんたくさびら！

きぬ〜ぬ、スタートや、じめぬんかい、しちゃる、砂利ぬ、タンピングから。

かたみてぃから、又ん、防草シート敷ち、ダブルカバレッジ。

あんしから、ディーンが、石、ち〜はじみてぃ、奥んに〜から、並び〜はじみたん。

くぬ石や、四角〜やあらんくとぅ、Uシェイプぬ中ぬ、はらが〜４辺、ちらんね〜ならんはじやしが、最初ぬ一列んの〜、ちらんぐとぅ〜進みてぃいんじゃん。

奥ぬ一辺とぅ、たてぃぬ、一辺並びてぃから〜、わんぬ出番。

ディーンや、どぅしんかい、ゆばってぃ、いっとき、うらんなたくとぅ、うぬゑ〜だ、どぅちゅいし、石並びてぃんじゃん。

うわいがた〜に、ディーンがけ〜てぃっち、あと〜、むるディーンんかいまかちゃん。

うりから、２辺み〜とぅ、最後ぬ３辺み〜ぬ仕上げし、石ち〜るくとぅ、約１時間半。





あんし、最後ぬてぃ〜ち、ちっち、かどぅんかい、はみてぃ、完成。






ディーンが、石、ちっちゅ〜るゑ〜だ、わんね〜、最初に作たるレイズドベッドぬ、ま〜いぬ草ひち、砂利まちゅ〜たん。






あんし、ゆるや、どぅしぬ、うまりび〜がちかはくとぅ、うった〜、ゆでぃ、まじゅい、夕飯かだん。

ケーキー作たるくと〜ね〜んくとぅ、自信やね〜んしが、バナナぬグルテンフリーケーキふ〜じ〜作たん。



あじぇ〜、まあまあ。

１００点満点ぬ６０点。

やしが、どぅしんちゃ〜み〜とぅんだや、うふやし〜ぐゎ〜やくとぅ、「ま〜はんど〜」んでぃ、いちとぅらち、かどぅ〜たん。

な〜ひん、練習し、つげ〜、１００点満点ぬケーキ、作りわるやっさ〜！