ウチナーグチし、ゆんたくさびら！

またん、プロジェクトはじみたん。

くんど〜、くり↓



門から、いっちちゅ〜るとぅきに、Uシェイプぬ、はらが〜が、気にないくとぅ、うまんかい、アジサイとぅか、花ぐゎ〜、わぃ〜るちむい。

あんし、ドライブウェイぬ、ふぇ〜んはらんかいや、いひな〜いひな〜石敷ち、駐車場兼Uターンないるようにするちむいやん。

うれ〜、７回（Phase１〜７）んかい分きてぃ、する予定やしが、２、３年かかいがら分からん。

まじぇ〜なま、２０２０年、９ぐゎち、開始。

くぇ〜し、地面ふてぃ、うまんかい、砂利いってぃ、たっぴらかち、次に、しな、いんてぃ、うんわぃ〜んかい、駐車場用ぬ石敷ちゅくとぅ、２０センチびっけ〜ふらんね〜ならん。

あんすくとぅ、木〜ぬ、に〜ん、まんでぃ、で〜じ。

うまや、元々、ブラッドフォード・ペアーんでぃ〜る木〜が、わぃ〜らっとぅ〜たるとぅくま。

化石ぬ発掘作業すんね〜し、に〜んま〜いぬ、いんちゃ、どぅかちから、チェーンソーとぅか、うぅ〜んしちらんね〜ならん。

うりが又、うむたる以上に時間かかてぃ、いっぺ〜ぐて〜んちけ〜ぃくとぅ、くたんでぃてぃね〜らん。

うん日〜や、久々に１２時間にんたん。笑









ぬくいや、ハチェットんでぃ〜る、いんちゃはる、てぃ〜うぅ〜んし、むる、ちっちゃん。

10/3/2020

10/31/2020

11/4/2020

11/7/2020

砂極め

11/23/2020 外枠ぬブロックの〜ちゃるあとぅ

さ〜ってぃとぅ、ちゅ〜ん、ちばりわるやっさ〜！