ウチナーグチし、ゆんたくさびら！

ディーンぬ、リタイヤ２回み〜ぬ、プロジェクトや、ガレージ掃除さるあとぅ、キャビネットんかい、タイヤーちきてぃ、テレビんかい、スピーカーちきたるくとぅ。

テレビや、古〜シャープぬ４７インチから、み〜むんぬ、LGぬ５０インチんかいけ〜たくとぅ、ブルートゥースんちち、スピーカ〜がちか〜り〜るぐとぅなたん。

古〜や、２００３年むんやたくとぅ、ま〜ん、スピーカーがちか〜らんたくとぅ、み〜むぬんかい、け〜いるくとぅんかいさん。

ちかぐるや、テレビんやしくなてぃ、うどぅるちゃん。

うぬ、ふる〜テレビんかい、ちき〜るたみに、こ〜たる、スピーカー２台ぬで〜とぅ、み〜むんテレビぬで〜が、おんなじやたん。

最初っからみ〜テレビこ〜とぅ〜け〜から〜、スピーカーや２台、こ〜いる、必要やね〜んたん。

たまね〜、節約するちむいやしが、高くちちゅるくとぅんあっさ〜んでぃ、勉強んかいなたん。