ウチナーグチし、ゆんたくさびら！

はーっせ、ようやく、確定申告ぬ書類まとぅみてぃ、会計士んかいあちゃいんじゃするちむいやいびーしが、ぬーんでぃちがら、ちむ、ふとぅふとぅーそーいびーっさー。くとぅしや、むる、うんちゅんかい、まかち、どぅーせー、ぬーん、さんみんせーねーんくとぅ、くにんかい、じん、うさみらんねーならんばーがら、いちゃっさがら、けーてぃるちゅーがら、わかいびらん。　くとぅしや、いちむとぅ、ちがてぃ、みーとぅんだ、まじゅいやあいびらんくとぅ、すんすがらわかいびらん。あんしが、うぬ、会計士や、航空業界ぬ、専門会計士やいびーくとぅ、ちゃんぐとぅーがやーんでぃち、たみしに、うんちゅんかい、たぬどぅーるばーるやいびーん。　なまわーきとぅ、あんしかわらんやれーからー、また、むとぅどぅーり、めーからちかとぅーる会計士んにーんかい、むどぅてぃ、みーとぅんだ、まじゅいいんじゃしわるないびーる。　ちゃーないがら、わからんしが、まじぇー、いんちんだひーたい。

＊アミリカぬ確定申告ぬ期日や４／１５



きぬーから、ちゅーぬ、してぃみてぃんかいかきてー、にんてーうきてーし、てーまい、にんじゃびたくとぅ、どぅーん、がっさくなとーいびーん。
やっぱし、睡眠どぅせー、ある程度、とぅらんねーないびらんやーたい。　

あちゃや、してぃみてぃぬ便しやーんかい、けーてぃ、ひらやーちー、つくてぃんじゅんでぃちやいびーん。
ディーンかい、あーいしん、一週間ぶりやいびーくとぅ、すがてぃ、いかんねーないびらんさー。　（笑）