2009年06月15日
06/14/09
くぬめーや、わた、やんてぃ、一日中、だりとぅーたしが、なーあちゃねー、けーのーてぃ、アイスクリーム、うちゅかだん。
アイスクリーム、かでぃん、ぬーんあらんたくとぅ、きぬーから、いちむとぅ、おんなじように、むん、しこーてぃ、うさがたん。
やしが、わたやんでぃーさる、あとぅるやいびーくとぅ、量や、ひなち、いひぐぁーる、かむんでぃち、やいびーたしが、だー、ぬーが、ぬーんでぃち、うんとぅーないがら、さっぱり、わかいびらん!

ちゅうや、ファン・フェアーぬ、最終日。
ちゅうぬ、スターや, Montgomery Gentry (モントゴメリー・ジェントリー)、Kenny Chesney (ケニー・チェツニー)、Jack Ingram(ジャック・イングラム)、Miranda Lambert(ミランダ・ランバート)、John Rich (ジョン・リッチ)、Taylor Swift(テイラー・スィフト)、ふか、サプライズし、たんがらが、ちゅーるふーじやいびーん。
楽しみー!
ちゅうぬ、ブーツとぅ、帽子や、くり!

アイスクリーム、かでぃん、ぬーんあらんたくとぅ、きぬーから、いちむとぅ、おんなじように、むん、しこーてぃ、うさがたん。
やしが、わたやんでぃーさる、あとぅるやいびーくとぅ、量や、ひなち、いひぐぁーる、かむんでぃち、やいびーたしが、だー、ぬーが、ぬーんでぃち、うんとぅーないがら、さっぱり、わかいびらん!
ちゅうや、ファン・フェアーぬ、最終日。
ちゅうぬ、スターや, Montgomery Gentry (モントゴメリー・ジェントリー)、Kenny Chesney (ケニー・チェツニー)、Jack Ingram(ジャック・イングラム)、Miranda Lambert(ミランダ・ランバート)、John Rich (ジョン・リッチ)、Taylor Swift(テイラー・スィフト)、ふか、サプライズし、たんがらが、ちゅーるふーじやいびーん。
楽しみー!
ちゅうぬ、ブーツとぅ、帽子や、くり!
Posted by ゆぐりはいから〜 at 05:03│Comments(8)
│ウチナーグチ
この記事へのコメント
あんしー うちなーぐちびけーし かちん
わからんちゅぬ おーさぬ ざーふぇーなとーいびんやぁ
わにん うちなーぐちぬ びんちょーそいーびん ゆたしくやーさい
わんぬ ホームページんかいん あしびーがめんそーれー
かっちんちゅやいびん。(沖縄フリマ管理人)
わからんちゅぬ おーさぬ ざーふぇーなとーいびんやぁ
わにん うちなーぐちぬ びんちょーそいーびん ゆたしくやーさい
わんぬ ホームページんかいん あしびーがめんそーれー
かっちんちゅやいびん。(沖縄フリマ管理人)
Posted by amawari at 2009年06月15日 15:54
amawari様、
コメント、にーへーでーびる。
うまー、わんが、どぅーちゅいむにーするとぅくま、ふーじー、なとーぃびーっさー。
あんすくとぅ、ごーぐちが、ううくなてぃ、でーじなとーぃびーん。(笑)
うちなーぐちや、わかいるうっちゅん、しんでーしんでー、うらんなてぃ、さびっさぬやーたい。
若はる時分や、うちなーぐち、あびーしぇー、恥かはたしが、なまぁ、うちなーぐち、あびーないし、いっぺー、誇りにうみとーいびーん。
やしが、うまうてー、あたとぅーがらわからん、敬語し、あびてーしーしーやいびーくとぅ、いほーなー、うちなーぐちんかい、なとぅーがら、わかいびらん。(笑)
うんじょーん、うちなーぐちぬ、勉強、ちばりよーたい!
あんし、またん、くまんかい、めんそーりよーたい。
ゆたしく、うにげーさびら!
コメント、にーへーでーびる。
うまー、わんが、どぅーちゅいむにーするとぅくま、ふーじー、なとーぃびーっさー。
あんすくとぅ、ごーぐちが、ううくなてぃ、でーじなとーぃびーん。(笑)
うちなーぐちや、わかいるうっちゅん、しんでーしんでー、うらんなてぃ、さびっさぬやーたい。
若はる時分や、うちなーぐち、あびーしぇー、恥かはたしが、なまぁ、うちなーぐち、あびーないし、いっぺー、誇りにうみとーいびーん。
やしが、うまうてー、あたとぅーがらわからん、敬語し、あびてーしーしーやいびーくとぅ、いほーなー、うちなーぐちんかい、なとぅーがら、わかいびらん。(笑)
うんじょーん、うちなーぐちぬ、勉強、ちばりよーたい!
あんし、またん、くまんかい、めんそーりよーたい。
ゆたしく、うにげーさびら!
Posted by ゆぐりはいから〜
at 2009年06月15日 17:45

わにん ブログたーちみーちむっちょーしが コメントがねーんだれー うむこーねん。
やしが どぅーちゅいむにーやてん しむさ。
たーが んちょーがらーわからんむん。
ゆぐりはいから~さんや なまからん うちなーぐちし 書ちくぃみそーれ
うちなーぐちや 年や地域や身分し ちけーかたが変わいびーしが
ひぐる(日常)ぬ くとぅばや うちなーぐちやてぃん しむんでぃ 思いびーしが あちねーそーてぃん うちゃくんかいや うちなーぐちし あびーんくとぅんがないびらん。
くぬままやれー うちなーぐちん ねーんないびんやー。
やしが どぅーちゅいむにーやてん しむさ。
たーが んちょーがらーわからんむん。
ゆぐりはいから~さんや なまからん うちなーぐちし 書ちくぃみそーれ
うちなーぐちや 年や地域や身分し ちけーかたが変わいびーしが
ひぐる(日常)ぬ くとぅばや うちなーぐちやてぃん しむんでぃ 思いびーしが あちねーそーてぃん うちゃくんかいや うちなーぐちし あびーんくとぅんがないびらん。
くぬままやれー うちなーぐちん ねーんないびんやー。
Posted by amawari at 2009年06月16日 19:45
☆amawariさん、
じゅんにやーたい!
わんねー、うちなーんかい、けーいねー、うや、ちょーでーとー、うちなーぐちし、はなしー、すしが、ふかんかい、いんじれーからー、共通語んかい、ないびーっさー。ちるみーぬ、どぅしんちゃーんかいや、わざとぅ、うちなーぐちし、はなしーすしが、ちゃあー、「ゆん、わぃなぐぬ、いんじとぅーてぃ、共通語し、あびれー!」んでぃち、ぬらーりーんよーたい。あったーがる、はじかはる、ふーじやいびーんでー。(笑)
うぬ、ぶろぐうてぃ、うちなーぐち、あびらんねー、けーわしーくとぅ、うれー、ちじきーる、ちむいやいびーんどー。 わんぬ、しようーんねーらん、どぅーちゅいむにー、ゆでぃ、とぅらち、にーへーでーびる。
じゅんにやーたい!
わんねー、うちなーんかい、けーいねー、うや、ちょーでーとー、うちなーぐちし、はなしー、すしが、ふかんかい、いんじれーからー、共通語んかい、ないびーっさー。ちるみーぬ、どぅしんちゃーんかいや、わざとぅ、うちなーぐちし、はなしーすしが、ちゃあー、「ゆん、わぃなぐぬ、いんじとぅーてぃ、共通語し、あびれー!」んでぃち、ぬらーりーんよーたい。あったーがる、はじかはる、ふーじやいびーんでー。(笑)
うぬ、ぶろぐうてぃ、うちなーぐち、あびらんねー、けーわしーくとぅ、うれー、ちじきーる、ちむいやいびーんどー。 わんぬ、しようーんねーらん、どぅーちゅいむにー、ゆでぃ、とぅらち、にーへーでーびる。
Posted by ゆぐりはいから〜
at 2009年06月17日 12:50

汝ーや アメリカんかいるういびーさやー。
インターネットんでぃ 便利やいびんやー。
とぉーとぉー うちなーぐちぬ同士やいびん
ないるむんやれー うちなーぐち世界にひるみらな。。。
やしが我んねー なーいひーぐゎー びんちょーさんだれー ならんさ。
我んや 五十あまとーしが 方言札ぬ世代やいびん。
童んばすぬ学校うてぇー 方言ちけいねぇー しんしーんかい すぐらりたん。
「しんしー やーん 方言使とぅせー!」んでぃ わじてぃん ちゃーんならんたん。
インターネットんでぃ 便利やいびんやー。
とぉーとぉー うちなーぐちぬ同士やいびん
ないるむんやれー うちなーぐち世界にひるみらな。。。
やしが我んねー なーいひーぐゎー びんちょーさんだれー ならんさ。
我んや 五十あまとーしが 方言札ぬ世代やいびん。
童んばすぬ学校うてぇー 方言ちけいねぇー しんしーんかい すぐらりたん。
「しんしー やーん 方言使とぅせー!」んでぃ わじてぃん ちゃーんならんたん。
Posted by amawari at 2009年06月18日 22:37
☆amawariさん、
わんねー、アミリカんかい、いっち、なーいひぐぁーし、21年ないびーん。時間がたちゅしん、うんし、へーさぬやーたい。
わんねー、しじゅーなかば、やいびーんどー。わんわーけー、うちなーぐちし、すだちゅーしが、わんぬ、たーち、うっとぅ(わぃなぐんぐぁ)や、うちなーぐちぇー、ちちゅせーないしが、あびーしぇーないびらんさー。あったー、ちるみーからー、むる、やまとぅぐち、ちかとぅーたっさー。
あとぅ、わんねー、わらびん時分や、わぃきぐぁんぐぁとぅびっけー、ちゃーあしびーすーたくとぅ、方言や、ちゃーばんない、やいびーたんよー。くぬ、うさななじみぬ、うっちゅんちゃーとぅ、うちなーぐちし、あびーんでぃち、やいびーしが、うったーん、なまー、職場うてー、後輩ぬうっちゅんちゃーが、ほうげのー、わからんくとぅんでぃち、なまー、やまとぅぐちし、むん、ゆどぅーるふーじやいびーん。やくとぅ、わんにんかいん、やまとぅぐちしる、あびーっさー。ぬんがら、さびっさぬないびらん。。。わんねー、やっぱり、うったーとー、うちなーぐちし、はなしーしーぶはっさー。うちなーぐちや、いちわーきん、わしりらんぐとぅ、ちかてぃ、いちーぶはんやーたい。
あんし、うんじょーや、わらびん時分や、うーまくーやてーさやーたい。(笑)しんしーたーん、ふんとーや、(ぅむっさーわらびやっさー)んでぃち、うみとぅーたるはじどー。(笑)いんかしや、しんしーたーや、がくむん、ならーすしぇー、あたいめーやたしが、わったーぬ、しつけん、だてぃーし、うたびみしぇーたんどーやー。わんにん、げんこつ、うたってーしーしー、すぐらったる、うびーが、あいびーん。あぬ、時分がなちかはんやーたい。
だぁー、だぁー、又長くなたくとぅ、うまかーらへんし、うわらひー。あんしぇーやーたい。
わんねー、アミリカんかい、いっち、なーいひぐぁーし、21年ないびーん。時間がたちゅしん、うんし、へーさぬやーたい。
わんねー、しじゅーなかば、やいびーんどー。わんわーけー、うちなーぐちし、すだちゅーしが、わんぬ、たーち、うっとぅ(わぃなぐんぐぁ)や、うちなーぐちぇー、ちちゅせーないしが、あびーしぇーないびらんさー。あったー、ちるみーからー、むる、やまとぅぐち、ちかとぅーたっさー。
あとぅ、わんねー、わらびん時分や、わぃきぐぁんぐぁとぅびっけー、ちゃーあしびーすーたくとぅ、方言や、ちゃーばんない、やいびーたんよー。くぬ、うさななじみぬ、うっちゅんちゃーとぅ、うちなーぐちし、あびーんでぃち、やいびーしが、うったーん、なまー、職場うてー、後輩ぬうっちゅんちゃーが、ほうげのー、わからんくとぅんでぃち、なまー、やまとぅぐちし、むん、ゆどぅーるふーじやいびーん。やくとぅ、わんにんかいん、やまとぅぐちしる、あびーっさー。ぬんがら、さびっさぬないびらん。。。わんねー、やっぱり、うったーとー、うちなーぐちし、はなしーしーぶはっさー。うちなーぐちや、いちわーきん、わしりらんぐとぅ、ちかてぃ、いちーぶはんやーたい。
あんし、うんじょーや、わらびん時分や、うーまくーやてーさやーたい。(笑)しんしーたーん、ふんとーや、(ぅむっさーわらびやっさー)んでぃち、うみとぅーたるはじどー。(笑)いんかしや、しんしーたーや、がくむん、ならーすしぇー、あたいめーやたしが、わったーぬ、しつけん、だてぃーし、うたびみしぇーたんどーやー。わんにん、げんこつ、うたってーしーしー、すぐらったる、うびーが、あいびーん。あぬ、時分がなちかはんやーたい。
だぁー、だぁー、又長くなたくとぅ、うまかーらへんし、うわらひー。あんしぇーやーたい。
Posted by ゆぐりはいから〜
at 2009年06月19日 05:11

汝ーや わらーすっさー!
わんやカッチンやしが じちぇーヤキナやいびん
ヤキナんでぃ 言ーねー いちまんとぅ 言葉ん似ち
ぬーがらー 縁があいびっさやー
わんや エイサーとぅか うちなー島唄がしちゅん
エイサーんでぃ 言ーねー いちまんぬキャンとぅヤキナや似ちょーびんやー
とぉーとぉー くとぅしん エイサーがはねーかすん
なーてぃーち わんぬエイサーぬブログがあいびん
くまやさ
http://pink.ap.teacup.com/amawari/
わんやカッチンやしが じちぇーヤキナやいびん
ヤキナんでぃ 言ーねー いちまんとぅ 言葉ん似ち
ぬーがらー 縁があいびっさやー
わんや エイサーとぅか うちなー島唄がしちゅん
エイサーんでぃ 言ーねー いちまんぬキャンとぅヤキナや似ちょーびんやー
とぉーとぉー くとぅしん エイサーがはねーかすん
なーてぃーち わんぬエイサーぬブログがあいびん
くまやさ
http://pink.ap.teacup.com/amawari/
Posted by amawari at 2009年06月23日 21:30
☆amawariさん、
エイサー、上等やいびーんやーたい。
高校ぬ体育祭うてぃ、わったークラスからー、エイサーんかい、いんじたる、うびーが、あいびーしが、あんとぅけー、ぬんがら、はじかはぬ、「へーくなー、うわらんがやー」んでぃ、うみーがちーなー、うどぅとーいびたっさー。
なま、かんげーいねー、ふらーやてーさやーんでぃ、うみゃびーん。
なまー、わんにん、また、エイサーうどぅいぶはっさーんでぃ、うみとーいびーんどーたい。
わんねー、ねーねーん、うっとぅん、ちゃぬんかい、ゆみんかい、いんじょーいびーくとぅ、ちゃんぬ、エイサーや、ゆーいんじーが、いちゃびたんどーたい。
くとぅしや、いんじーが、いかりーがら、わかいびらんしが、ないねー、いちーぶはっさー。
うんじょーや、やきなーぬ、エイサーんかい、いんじてぃるうがやーたい?
にーせーたーんかい、ならーちるういびーるい?
どぅーぬ、シマぬ、エイサーんどぅせー、代々うっとぅんちゃーんかい、うけちぢいかんねーないびらんやーたい。
とーあんしぇー、うんじょーん、ばんみかち、ちばりみそーりよー!
エイサー、上等やいびーんやーたい。
高校ぬ体育祭うてぃ、わったークラスからー、エイサーんかい、いんじたる、うびーが、あいびーしが、あんとぅけー、ぬんがら、はじかはぬ、「へーくなー、うわらんがやー」んでぃ、うみーがちーなー、うどぅとーいびたっさー。
なま、かんげーいねー、ふらーやてーさやーんでぃ、うみゃびーん。
なまー、わんにん、また、エイサーうどぅいぶはっさーんでぃ、うみとーいびーんどーたい。
わんねー、ねーねーん、うっとぅん、ちゃぬんかい、ゆみんかい、いんじょーいびーくとぅ、ちゃんぬ、エイサーや、ゆーいんじーが、いちゃびたんどーたい。
くとぅしや、いんじーが、いかりーがら、わかいびらんしが、ないねー、いちーぶはっさー。
うんじょーや、やきなーぬ、エイサーんかい、いんじてぃるうがやーたい?
にーせーたーんかい、ならーちるういびーるい?
どぅーぬ、シマぬ、エイサーんどぅせー、代々うっとぅんちゃーんかい、うけちぢいかんねーないびらんやーたい。
とーあんしぇー、うんじょーん、ばんみかち、ちばりみそーりよー!
Posted by ゆぐりはいから〜
at 2009年06月25日 12:30
