ウチナーグチし、ゆんたくさびら！

は〜んまよ〜なぁ〜。。。

くしん、やでぃ、でーじなとぅーん！

あちゃぬ、一本し、くぬあとぅや、ナシュビルんかい、けーらりーくとぅ、なーいひぐぁーぬ、辛抱やいび〜ん。

やしが、どぅくん、やむくとぅ、シックコール（病休）すがやー。。。？

あんしが、あちゃや、たぬしみにすーたる、どぅしぐぁーとぅまじゅいぬ、フライトやいびーくとぅ、やしみーぶこーねーらん。

湿布んちきてぃ、くすいん、ぬだくとぅ、あちゃぬ、ひてぃみてぃねー、ましなとぅーがら。。。

わじゃ、すーぃねー、筋肉が、やはらかくないくとぅがら、わかいびらんしが、あんすか、くしやみーん、気にならんしが、レイオーバーとぅか、くぬ、クラッシュパッドうて、ゆっくぃとぅーるばーに、やむしが、ちぢないるばーる、やいびーんでー。

にんたるあとぅに、うきーあがいしがる、でーじやいびーん。

あっちーかんてぃーすしが、くりがまた、ちゃーあっちーしーねー、ましないくとぅる、わじゃん、ちゃーちぢきーすーるばーるやいびーん。

ナシュビルんかい、けーいねー、又ん、整骨院かい、いんじゃーにかい、みしてぃくーんねーないびらん。

又、「やーや、定期的に、くまんかい、くーんでぃ、あびとぅーるむんぬ、ひっちー、くーんなてーしーしーすくとぅる、うんとぅーないどー！」んでぃち、ぬらーりーるはじ。

分かてーうしが、あんしやー、ましなれーからー、整骨いぬんかい、いちゅしゆーかー、わじゃ、優先すくとぅ、じゃーへーやんばーよー（たい。笑）