ウチナーグチし、ゆんたくさびら！

はぁーなぁー。。。

なまねー、ちんしーんやでぃ、でーじなとーぃびーん。

くしやみーから、ひさやみー、とぅしぇー、とぅいぶこーねーんさー。

やしが、くりびっけーや、さきてー、とぅーららんくとぅ、じゅんに、やっけーやいびーん。

なまわーけー、どぅーや、健康体やいびーたくとぅ、ぬーん、うまーんたしが、くしん、ちんしーん、たっちぇーあっちぇーするたみねー、いっぺー、重要な役割はたちょーぃびーんどーやーたい。

めーわーけー、階段うりーしん、ぬーんあらんたしが、なまー、うんたきしん、やむるすくとぅ、エスカレーターとぅか、エレベーターがあいねー、うんとぅーんかい、しぐぬいやいびーん。

全力疾走んどぅしん、なー、ならん。

オレオんかい、ひっぱらってぃ、はーえーすしん、やっとぐぁーるやいびーるむん。

とぅし、とぅいしんでー、あまくま、やでぃっち、運動神経ん、にぶくなてぃ、なー、わかはる時分ねー、けーららんばーがやー？んでぃ、うみーねー、悲しくないっさー。

うんとぅーし、ひっちー、じーぐい、すーしが、うりん、５０代んかい、いいねー、いひぐぁーや、ましないんでぃ、しーじゃんちゃーが、あびぃしぇーくとぅ、うり、しんじてぃ、ちばとーぃびーん。

若はたるくるんくとー、わしりやーにかい、なまからぁー、うんとぅーとぅ、ちきあーてぃ、めー、いんち、あっかんねーならんむんぬやーたい。

人生や、山あり、谷ありんでぃ、いち、なまー、しちゃんかい、ちゃーさがい、すーるふーじやいびーしが、しちゃわーき、うりれーからー、また、わーびんかい、あがてぃいけーしむせーやーたい。

うりが５０代んでぃがらんでぃっさー。。。

だぁー、あんすらー、なまから、運動、しんだひーたい。