2011年02月05日
帰省
うちなーんかい、いっちから、なー、1週間すぎてぃ、あさてぃや、アミリカんかい、けーいるばーるやいびーしが。
は〜もいぃ〜え〜、な〜、くぬ、うちなーぬ、てぃんちよー!
あみが、ふいがすら、はりーがすら、わかいびらん。
きさーわーき、はりとぅーたがやーんでぃ、うみたれー、しぐー、あみふてーしーしーし、あんしから、てぃらん、いんじてーしーしー。
じゅんに、女ぐくるねーしるあるむんなーやー。。。
わんが、いっちから、プロ野球チームぬキャンプとぅかし、うちなーん、注目はっとーぃびーしが、鹿児島と宮崎ぬ県境んかいある、新燃岳ぬ火山や、でーじねーすっさー。
日本海ぬ、うう雪ん、現地ぬうっちゅんちゃーんかい、とぅってー、災害といんむんだっさー。
とぅしわぃーんっちゅっちゃーぬ、くとぅ、かんげーいねー、ちむぐりはぬないびらん。
ちゅうや、生まりてぃ、はじみてぃ、デンガクつくたん。
おかぁや、あふぁさんでぃ、あびーたしが、おとーや、しむんでぃ、いいたくとぅ、まあまあぬ、出来やるばーんでぃち、うみたん。(笑)
くんくぁいぬ、帰省うてー、わたぐぁーぬ汁から、でんがく、んでぃ、たーち、料理習たくとぅ、ナシュビルんかい、けーいねー、あまうてぃん、つくいわるやっさー。。。
Posted by ゆぐりはいから〜 at 19:51│Comments(1)
│ウチナーグチ
この記事へのコメント
お邪魔します☆いつも密かに楽しませてもらってました!これからも更新楽しみにしてますね!
Posted by 板橋区 大山 美容室 at 2011年02月08日 15:29