ウチナーグチし、ゆんたくさびら！

ちゅう、くぐぁち、１８日や、「しまくとぅばぬ日ー」んかいなとーぃびーん。

ぬーが、ぬーんでぃち、９ぐぁち、１８にちが「くとぅばぬ日ー」がやーんでぃ、うみたれー、９が、くとぅばぬ、「く」、１８ぬ１０が、くとぅばぬ「とぅ」、８が、くとぅばぬ「ば」んどぅる、語呂合わせるやいびーんでぃがら。

うちなーうてー、だんだん、うちなーぐち、はなしーないる、うっちゅん、ひなてぃっちゅーしが、ちかぐるや、わかむんぬっうっちゅんちゃーが、うちなーぐち講習とぅか、うきてぃ、うちなーぐち、あびーんでぃち、ちばとぅーるふーじ、いっぺー、上等やいびーん。

わんが、ぐなはる時分や、学校うてぃ、うちなーぐちあびーねー、ぬらーりーたしが、なまー、幼稚園とぅか、小学校そーなーうてぃ、うちなーぐち、ならーちゅーんでぃがら。

いっぺー、いいくとぅやいびーん。

わっさせー、はなしーないてぃん、はじかさーし、ちかーんくとぅ。

はなしーないてぃん、どぅーぬ、しまくとぅばが、下品でぃ、うみとぅーるくとぅ。

はっしぇ、どぅーぬ、しまくとぅばるやるむんぬやー、ぬーが、下品やる！

わったー、くとぅばや、下品やあらんしが！

うり、ちゅーじゅーく、あびーぶはん！

うちなーぐち、あびーないるぐすよー、わったーが、うちなーぐち、ちかーんねー、わったー、くとぅばや、ねーんないどー！


はじかさーはんぐとぅ、どうどうとぅ、はなしーし、うたびみそーみりよー。

とー、はい！