ウチナーグチし、ゆんたくさびら！

はーなー、よーびーらーややー、ひっちー、かじひちあっち。。。

んどぅせー、わん。

やくとぅ、わんねー、くずから、予防接種うきとぅーくとぅ、かじ引ちん、あんしわっさこーならん。

くんどー、ディーンが、かじひちねーらん。

うれー、ちゃー、がんじゅーやくとぅ、予防接種んどぅせー、わんにんかいや、いりようねーらんでぃち、いちょーたるむんぬ、だぁー、会社うてぃ、かじひちゃーん、まんでぃるうくとぅ、結局、どぅーん、かじ引ちねーらんせー。

くすいや、ぬでぃん、ちゃーいんじゅちーるすーくとぅ、のーいるわきんねーらん、やくとぅ、せめて、栄養ぬあるむん、かまさんでぃち、ひてぃみてぃなーから、ステーキ（うれー、きぬーぬ、ぬくいらしが。笑）とぅ、目玉焼きとぅ、やせー、かまち、最後に梅干しん、無理矢理かまちゃーにかい、しぐとぅんかい、いんじゃちゃん。

あんし、ふくるぐぁーんかいや、みかんとぅ、サクランボいってぃ、むたちゃしが、かむが（ら）てー？

ちゅうや、ひるざきやてぃん、つくてぃんじゅがやー。。。