ウチナーグチし、ゆんたくさびら！

くんくぁいや、スカンジナビア半島んかい、ある、スウェーデンぬ、ストックホルムんかい、いっちゅーん。

ちゅうや、クルーとぅまじゅい、旧市街んかい、いんじっちゃん。

旧市街んでぃちん、わったーが、とぅまとぅーる、ホテルから、あっち、１５分びっけーぬ、とぅくま、橋ぐぁー、わたいねー、しぐ、うまぐぁー。

うまんかいや、何回ん、いっちゅーしが、キャッスル（城）んかい、ちゅーせー、はじみてぃ。

ちゅうや、城ぬ中ぬ、ツアー（説明者付き）んかい、参加さん。











半日かきてぃ、まーてぃ、いひぐぁーや、スウェーデンぬ、歴史ぬ、勉強んかいなたん。

日本とぅ、うちなーぬ、歴史ん、わからんそーてぃ、スウェーデンぬ、歴史、勉強し、ちゃーすがてー、なー。（笑）

市内観光ぬ、あとぅや、ムール貝かみーが、ホテルぬ、近くぬ、レストランかい、いんじゃん。

レストランぬ、予約や５時るやたしが、へーくなーちっちゃくとぅ、ダイニングホールが、開ちゅるわーき、バーうてぃ、待たはったん。




うぬバーや、ワインぬ、種類や、たーちぐらいしかねーんしが、ビールや、うんしてーまいあたん。くぬ写真ぬふかにん、なーひんてーまいあてぃ、１００種類びっけーあんでぃがら、あびとぅーたっさー。





夕飯や、ムール貝。ムール貝びっけーせー、わたー、みたんでぃ、うみたるむんぬ、パンとぅ、フライトポテトん、まじゅいなー、かだくとぅ、わたんみっち、ちむんふじゃん。わんねー、ゴートチーズとぅ、ヒル味ぬ、ムール貝、半キロ分、注文さん。




どぅしぐぁーや、カレー味ぬ、アジアン味ぬ、ムール貝をぅ、注文。うれー、トマトソースふーじーし、いひぐぁーや、辛口し、うりん、わきてぃ、かだしが、いっぺー、まーはたっさー。





あちゃん、うまうてぃ、夕飯、かみーぶはしが、あちゃや、きぬー、スーパーうてぃ、こーたる、サラダと、とぅいとぅ、パンぬ、ぬくい、かみわるやる。

あさてぃ、ニューアークんかい、けーいるわーきに、じゃーんかい、うちきてーる、かみーむのー、全部かたじきらんねーならんくとぅやー。

あちゃー、ヴァーサー博物館どぅるとぅくまんかいんでぃーくとぅ、くぬ、トリップん、あってんぐぁーに、うわいぎはーやっさー。