ウチナーグチし、ゆんたくさびら！

グリーンビーンズ・キャセロール

とぅ、ぅんむ

ちゅうや、ぬー、ちゅくいがや〜。。。

きぬーわーけー、くんちちきーんでぃやーに、わーんしし、かだしが、なー、かじん、のーってぃっちゃくとぅ、なまからぁー、ししぇーかまらんさー。

リトマス紙しぬ、尿検査ぬ結果、わんねーまーだアルカリ性体質んかい、ふどぅとぅーはくとぅ、なまからぁー、徹底し、酸性食品や、抜かんねーならん。

はぁー、くりん、いちわーき、ちぢちゅがらやぁ？

まじぇー、文句あびらんぐとぅ、しーんだんねーならんやーたい。




まーだ、さっくぃーん、いんじーくとぅ、ちゅーぬ、フライトや、社内広告んかい、いんじゃち、たんがらんかい、くぃたん。

あんすくとぅ、くぬ、一週間や、やしみんかい、なたん。

やしが、ちゅうぬ分、うみあーしーはんねーならんくとぅ、金曜日に、たんがらぬ、トリップいたーにかい、わじゃはんねーならんさー。

うりわーきに、かじや、へーくなー、のーはんねーならん。

とーあんしぇー、ちゅーん、栄養満点ぬ、むん、かんげーらひーたい。