ウチナーグチし、ゆんたくさびら！

ちゅう、うがなびら！

ちゅうん、いっぺー、いいてぃんちなてぃ、とぅいぬ、くぃーが、あまからん、くまからん、チッチチッチ、ピュ〜〜〜、ピュ〜〜〜んでぃ、ちかりてぃちゅーん。

なまぬ、ふかぬ、気温や、摂氏３０℃やるふーじやしが、かじが、あくとぅ、か〜ぎんみ〜んかい、ういねー、しだはぬ、いい気持ちやん。

やしが、オレオや、ふかゆーかー、クーラーがいっちゅうる、やーんなかが、ましねーすん。








ちゅうぬ、ひてぃみてぃや、電気工事ぬうっちゅが、めーんそーち、わったぁ、炊事場ぬ、配線工事ぬ話〜ちちゃん。

最終的ねー、天井ぬ、電気ん、むる、けーぃんねーすくとぅ、くれーなー、なーひん、じんかかいるはじやっさー。

くんくゎいや、どぅーたーなーせー、はんぐとぅー、大工ん、電気屋ーん、タイル貼やーん、水道工事ん、むる業者んかい、たぬむくとぅ、予想以上ぬ、出費んかいないるはじ。

とー、とーとーなー、じゅんに、でーじなたん。

なーひん、いんじゅるみてぃ、はたらかんねーならん。

やしが、うんとぅーし、目標があいねー、働ちーがいが、あん。

うぬ、改装工事が、うわいねー、くんどー、まー、のーすがてー。

てぃーちなー、てぃーちなー、よんなー、のーちいんじ、むるのーしーねー、あとー、なー、のーするとぅくまん、ねーんなてぃ、ぅむっさこーねーんないるはじやっさー。

あねーあらんがやー？　（笑）