ウチナーグチし、ゆんたくさびら！

きぬーや、わったぁー、みーとぅんだぬ、結婚記念日やたん。

なーいーななー１９年。

へーさよー。

１９年ぬゑーだに、わったぁーや、たいんなむん、くゎぇーたん。

うりとぅ同時に、絆んちゅーくなたん。

たげーぃに、うみとぅーるぐとー、正直にあびーるぐとぅし、ちちーぶこーねーらんくとぅんあたしが、あんやたくとぅる、どぅーぬわっさるとぅくま、のーちっちゃん。

正確にいーねー、のーちゃるばーやあらんぐとぅー、うりんかい、あーちっちゃるばーがら分からんさー。（笑）

ながでー、まじゅいういねー、いちぬまーにか、自然に、パートナー（人生ぬ伴侶）んかい、あーするぐとぅなとぅーんねーすん。

「え〜っ、な〜しむさ！」んどぅるふーじー。

やしが、ちゃーしん、許はらんねー、とことん、話し合ーてぃいちゅん。

わんが、ディーンから、うすわたるくとー、「ポジティブ思考」とぅ、「ぐなはるくとぅんかい、いちいちわじらんけー」んどぅるくとぅ。

うんとぅーし、あびらりーねー、余計わじとぅーたしが、ありが、いーるとぅーいやん。

ぐなはるくとぅんかい、いちいち、わじらんぐとぅすーいねー、人生ん、楽に、いちちいかりーんねーすん。

くれー、わんにんかいとぅってぃ、くがにくとぅばんかいなとぅーん。

くぬあとぅん、いちわーきん、仲良くしいけーやーんでぃうみーん。

「いちわーきん、長く」んどぅる、意味し、わったぁーが注文させー、うり。↓　





















くゎっちーさびたん！