ウチナーグチし、ゆんたくさびら！

わんね〜、真面目〜やしが、ワイン、じょうぐ〜。

自慢ないる話やあらんしが、病気す〜てぃん、ワインや、やみららん。

病院から、処方箋いてぃん、くすいとぅワイン、混じ〜ね〜ならんくとぅんでぃち、ふんと〜やれ〜から〜、くすい、ぬでぃ、ワイン、ぬまんしがる、じゅんやしが、くすいゆ〜か〜、ワインとぅってぃ、くすいやぬまん（しにふら〜）。

ふら〜んで〜うみ〜しが、くすいや、ぬまんてぃん、の〜いるば〜ん、て〜まい、あん。

くすいびっけ〜ぬでぃ、逆に、うりが原因し、腎臓がら肝臓わっさくなたるどぅしぐゎ〜んうん。

あんすくとぅ、くすいんかいや、たゆらんてぃんしむんば〜やあらんがや〜んでぃ、うみてぃね〜らん。

くんくゎいぬ、手術んあとぅん、くすいや、一切、ぬまんたん。

手術や、くんだぬ腫瘍（良性）摘出手術。

神経鞘腫（しんけいしょうしゅ）んでぃ、い〜んでぃがら。

詳細や、メインブログぬ「まかびむにー」んかい、書ちょ〜ぃび〜くとぅ、あま、いんちとぅらしぇ〜や〜たい。