ウチナーグチし、ゆんたくさびら！

ちゅうや、インフルエンザぬ、予防接種しっちゃん。

うり、す〜け〜から〜、あとぅあとぅ、しわ〜ね〜んはじやくとぅ、安心やん。

なまから〜、マスクが、必需品かい、ないっさ〜。

や〜んかい、ういね〜、栄養ぬあるむんかでぃ、ぐて〜ちきらり〜しが、わじゃ、し〜はじみ〜ね〜、機内食とぅ、外食びっけ〜んかいないくとぅ、やっぱり、サプリや、むたんね〜ならんがら分からん。

仕方んねーらん。


ちゅうぬ、夕飯や、うり。



サラダんかいや、ケール、パセリ、きでーくに、トマト〜、赤〜玉ねぎ、でーくに、トゥーナ、いって〜ん。

味噌汁んかいや、豆腐、でーくに、生椎茸、ふ〜りんな〜とぅ卵。

あんし、まみいりちゃ〜。

ちゅうや、昼間〜、みかんしか、かまんたくとぅ、夕飯や、5時め〜に、うさがたん。

(^｡^)

あんすくとぅ、なま、わたぐるぐる〜す〜ん。笑




きさ〜や、とぅないぬ、いんぐゎ〜が、ワンワンワンし、ちゃ〜なち〜すーたくとぅ、ふか、いんちんちゃれ〜、たんがらが、門ぬに〜かい、とぅまとぅ〜たん。

Uターンすんでぃちらがや〜んでぃ、うみたしが、うまうてぃ、ながで〜、とぅまとぅ〜んで〜や〜。

いったい、ぬ〜す〜んば〜がら。

念ぬたみに、ビデオんかい、うさみたん。

あんしからスナップショットし写ちゃしが、うり。





正面から〜、ちゃんぐとぅ〜、車がら〜、分からんたしが、道んかい、いんじてぃ、とぅないんに〜んかい、位置がかわたんとぅきに、オールーぬピックアップトラックんでぃ、分かたん。

ちゅうや、どぅちゅいやくとぅ、しかだっさ〜。

(-.-;)y-~~~