ウチナーグチし、ゆんたくさびら！

フロリダ州ぬ、に〜に〜た〜や〜んかい、あしび〜が、いんじゃせ〜しむしが、あまくま、虫んかい、く〜らってぃね〜らん。

まが〜がじゃぬん、うたしが、"No-see-um"（ノーシーアム）んでぃい〜る、み〜んかい、み〜らん、がじゃんがまんでぃ、うりんかいどぅ、く〜らったるはじ。

ひさん、てぃ〜ん、首ん、ま〜んき〜、こ〜はぬ、ちむ、わさわさ〜。

に〜に〜た〜ぬ、ぅんまぐゎとぅ、どぅしぐゎ〜んちゃ〜、け〜とぅないぬ、うっちゅんちゃ〜ん、に〜に〜た〜や〜んかい、も〜ち、プールサイドうてぃ、パーティーす〜る中、わんね〜、や〜ん中んかい、くまて〜し〜し〜。

どぅくんこ〜はぬ、ちゃあかち〜す〜たくとぅ、ブツブツ〜ん、広がてぃんじ、首からちらんかい、あがてぃっちゃくとぅ、ちむん焦しがち〜し、うれ〜、ちゃあにかはんね〜ならん、でぃち、インターネットし、しらびてぃんちゃん。

あんされ〜、「綿棒をぅ、摂氏８２℃ぬ湯〜んかい、ちきてぃ、うり、ブツブツ〜んかい、あてぃ〜しぇ〜まし」んでぃ、書かっとぅ〜たくとぅ、

あぎじゃびよ〜、沸騰するめ〜ぬ、あち〜湯〜、どぅ〜んかい、たっちき〜るば〜な〜？

んでぃち、うとぅるはたしが、意地ぐゎ〜いんじゃち、湯〜むげ〜らちゃ〜に、しんちゃん。

ぬ〜が、うれ〜、や〜ちゅ〜とぅ、同じぇ〜あらみ？　

んでぃち、ゐんかし、わらびんくる、うとぅなが、や〜ちゅ〜す〜し、うび〜ぃんじゃちゃん。

や〜ちゅ〜や、血〜ぬ、みぐい、ゆ〜なする、アジアぬ、伝統的ぬ医療んでぃ、ちちゅしが、なま〜、全然、ちかんくとぅ、なちかはぬならん。

はっしぇ、うぬ、綿棒んかい、あちこ〜こ〜湯〜かきてぃ、ブツブツ〜んかい、あてぃ〜しよ〜、じちぇ〜、いいやんべ〜やるば〜て〜。笑

癖んかい、ないぎは〜ど〜。

な〜で〜じ！












記事作成：２０１７年（平成２９年）７月７日（あいっ、七夕ぬ日〜やっさ〜）（金）
ナシュビル、８：４７　くむい、時々あみ。２３℃