ウチナーグチし、ゆんたくさびら！

くんくゎいぬ、ワールドカップサッカーや、カタールうてぃ、うくなっとぅ〜ん。

日本や、勝ちすすでぃ、あちゃ、クロアチアと戦いんね〜すん。

きぬ〜や、アミリカーVSーオランダ戦がナシュビル時間ぬ９時からやたくとぅ、テレビいんち応援す〜たしが、負きてぃね〜らん。

アミリカチームや、ちばとぅ〜たしが、残念。

オランダチームや、パスがいっぺ〜じょうじやたん。

あいっ、あんい〜ね〜、うちな〜うて〜、那覇マラソンやて〜っさ〜。

わんぬ、み〜っくゎんちゃ〜や、いんじてぃがや〜？

真栄里うてぃ、マッサージ屋〜す〜る、み〜っくゎや、沿道うてぃ、ボランティアし選手ぬマッサージすんでぃ、あびとぅ〜たっさ〜。

わんにん、いち〜ぶはたっさ〜。

サッカー観戦がうわてぃ、いひぐゎ〜、な〜んわじゃし、うりから、くんど〜、ゆるわ〜き、大学ぬフットボール観戦三昧。

きぬ〜や、各コンファレンスぬチャンピオンシップやたくとぅ、くり又気合いいってぃ応援さん。笑

ちゅうや、プロフットボールぬ日〜。

わった〜チームぬ、テネシータイタンズや、１２時からはじまいんね〜すくとぅ、うりわ〜きに、紫陽花ぬ、剪定、うわらはんね〜ならんさ〜。

あらんね〜、ゲーム終了後んかいないがら分からん。

と〜あんしぇ〜、又や〜。